जगण्याचा चंग

जगण्याचा चंग

झाकतो उरातले दु:ख मी
चेह-यावरी रंग हसण्याचा.

पुरवून छंद वादळाचा रोज
चंग बांधतो मी जगण्याचा.

या जगाला जंग कसे म्हणू?
पाठीवरीच होतो वार त्यांचा.

करतात किती पुंग्या हरामी.
स्वार्थी हॊतो घास गाजरांचा.

गांडीखाली लपवून दिवा
बघा त्यांचा शोध उजेडाचा?
               परशुराम. सोंडगे,पाटोदा
              ९५२७४६०३५८

धुंदशी रात

रात धुंद

रात ओली धुंदशी

मंद जराशी..वारा.

गंधलेली रातराणी

का तू स्तब्ध जरा.

             परशुराम सोंडगे, पाटोदा

              ९५२७४६०३५८

ऐ भिमा ..!!

विश्वरत्न डाॅ.बाबासाहेब अांबेडकर यांच्या जंयतीनिमित्त

या महामानवाला विनम्र अभिवादन.

एका भिमसैनिकांची खंत व्यक्त करणारी माझी

ही चित्र कविता

त्यादिवशी……!!

त्यादिवशी……!!

तुझ्या  तशाचं माझ्या ही चटावलेल्या

डोळयांना एकमेंकाना भीडता आलं

नाही.

पावलांवर पावलं पडतं होती.

पण तुला अडखळता

अन

मला ही ओंलडता आलं नाही.

उरातलं सारचं ओठात आलेलं….

पण तुझ्या तशाचं माझ्या ही

शब्दांना नेहमीचं गददारपण सोडता

आलं नाही.

वारा आला.

तुझी ओढणी उडाली.

अन तुझं ते सुंदर लाजणं

तुला लपवता आणि मला पहाता

आलं नाही.

तुला तसचं मला ही माहीत होतं

पुन्हा कधीचं आपली भेट ही

होणार नाही.

तरी तू…….

जात होतीस अगदीचं  निशब्द……

मी हातांनी केलेला बाय

तुला पहाता अन्र मला थांबवता

आला नाही.

आता…..

तू…….

कीती दूर….

मला तुला, तुला मला भेटता

आलं नाही.

पण

शपथ, प्रिये अजून एक क्षण

विसरता आलं नाही.  

                  धन्यवाद…..!!

सूर्य मी पेरतो आहे

कुणाला काही ही वाटो
मी सूर्य इथं पेरतो आहे.
फुलांच्या वर्दळीत असे
फक्त काटेच वेचतो आहे

कशास मारू उगी बाता
चांदणे मी नसात टोचतो
काळजाची नाही फिकरी
प्राण मी तळहाती झेलतो.

शपथ अंधाराची लढाई
मी एकटाच लढतो आहे
बघ ,वादळातही नव्याने
मी माझा इथं पेटतो आहे
 . . . . परशुराम सोंडगे.पाटोदा
 . . . . 9673400

जाणीव

मी    
रस्त्यावरून चालताना असंख्य
आसुसलेल्या नजरा
खिळतात अंगभर
अन्
निरखला जातो माझ्या शरिराचा
एक अन् एक अवयव
जनावराच्या बाजारातल्या
मादीसारखा....
पारखून घेतलं जातं माझं चालणं
बोलणं...पहाणं
आणि हासणं सुध्दा....
अधाशपणे
किती किती अंकूचाव आपण
या चिवट आंबट
नजरापासून...
त्याच का होतात कायम विजयी ?
का असतो आपल्याच नजरेचा पराभव ठरलेला...
त्या नजरांचा होणारे स्पर्श
अनोख चैतन्य जागवून
गेला.
तेव्हा कुठं मला कळून
चूकलं होतं,की
त्या नजरा पौरूषी आहेत
आणि
मी एक स्त्री आहे.
माणूस नावाच्या प्राण्याची
एक मादी..
मी एक आई
प्रत्येक जीवाला जन्म
देणारी.....
    परशुराम  सोंडगे,पाटोदा
     9673400928

तुझे रंग,तुझे गंध

• तुझे रंग तुझेच गंध 
• फुलास  जाळतात
• अभाळाच्या  कळा
• तुझे शब्द पाळतात.
• 
  
• तुझे हासणे लाजणे
• काळजाला चिरतात
• चांदण्याचे हे उसासे
• तुझेच स्वर छेडतात
• 
  
• तुझे बहर तुझे कहर
• सदा शिवारी पांगतात
• झ-याची झुळझुळ ही
• तुझे ते इरादे सांगतात?
• 
  
•  . . . . . परशुराम सोंडगे,पाटोदा
•  . . . . . . 9673400928